اسلام آباد: وزیر مملکت برائے مواصلات عبد الحکیم بلوچ نے نامعلوم وجوہات کی بنا پر استعفیٰ دے دیا۔
تفصیلات کے مطابق وزیر مملکت مواصلات عبد الحکیم بلوچ اپنے عہدے سے مستعفی ہوگئے۔ تاحال ان کے استعفیٰ کے وجہ معلوم نہیں ہوسکی۔
اس بارے میں عبد الحکیم بلوچ کا کہنا ہے کہ وزیر اعظم سے ملاقات میں اپنے تحفظات سے آگاہ کردیا تھا۔
عبد الحکیم بلوچ 2013 کے عام انتخابات میں مسلم لیگ ن کے ٹکٹ پر کراچی کے حلقہ این اے 258 سے فتحیاب ہوئے تھے۔ اس سے قبل وہ وزیر مملکت برائے ریلوے رہ چکے ہیں۔ جون 2014 میں انہیں وزیر مملکت برائے مواصلات بنایا گیا۔
