بھارتی ٹیم کے نوجوان بیٹر ابھیشیک شرما نے انگلینڈ کے خلاف پانچویں ٹی 20 میں شاندار سنچری اسکور کرکے کئی ریکارڈ بنا دیے۔
ممبئی میں کھیلے گئے پانچویں ٹی 20 میچ میں بھارت نے ابھیشیک شرما کی 135 رنز کی اننگز کی بدولت مقررہ اوورز میں 9 وکٹوں کے نقصان پر 247 رنز بنائے جواب میں انگلش ٹیم 97 رنز پر ڈھیر ہوگئی۔
بھارت نے انگلینڈ کے خلاف پانچ میچوں کی سیریز میں 4-1 سے کامیابی حاصل کی ۔
میچ کی خاص بات ابھیشیک شرما نے37 گیندوں پر سنچری تھی انہوں نے مجموعی طور پر 54 گیندوں پر 13 چھکوں اور 7چوکوں کی مدد سے 135 رنز بنائے۔
ابھیشیک نے بھارت کی جانب سے ٹی ٹوئنٹی انٹرنیشنل میں دوسری تیز ترین سنچری اسکور کی۔ اس سے قبل روہت شرما نے 35 گیندوں پر سنچری بنائی تھی۔
انگلینڈ کے خلاف 135 رنز کی اننگز کی بدولت ابھیشیک شرما بھارت کی جانب سے ٹی ٹوئنٹی انٹرنیشنل میں سب سے بڑا انفرادی اسکور بنانے والے کھلاڑی بن گئے۔
اس سے قبل یہ ریکارڈ شبمن گل کے پاس تھا جنہوں نے 126 رنز کی اننگز کھیلی۔
انگلینڈ کے خلاف 13 چھکے مارنے والے ابھیشیک شرما نے ٹی ٹوئنٹی انٹرنیشنل میچ میں بھارت کی جانب سے ایک اننگز میں سب سے زیادہ چھکے مارنے کا بھی ریکارڈ بنایا۔
