The news is by your side.

Advertisement

ابرار الحق ہلال احمر کے چیئرمین مقرر

اسلام آباد: تحریک انصاف کے رہنمااور پاکستانی گلوکار ابرار الحق کو  ہلال احمر (ریڈکراس) کا چیئرمین مقرر کردیا گیا۔

تفصیلات کے مطابق مطابق صدر مملکت ڈاکٹر عارف علوی کی منظوری کے بعد ابرار الحق کی تقرری کا باقاعدہ نوٹی فکیشن جاری کردیا گیا۔

نمائندہ اے آر وائی نیوز عبدالقادر کے مطابق ایک سال سے زائد عرصے کے بعد ابرابر الحق کو حکومتی عہدہ دیا گیا، انہیں تین سال کے لیے ریڈ کراس کا چیئرمین مقرر کیا گیا۔

محکمہ ریڈ کراس کی صدارت ڈاکٹر عارف علوی کے پاس ہے انہوں نے حکومت کی جانب سے موصول ہونے سفارش پر اپنے اختیارات کا استعمال کرتے ہوئے اُسے منظور کیا جس کے بعد تقرری کا باقاعدہ نوٹی فکیشن جاری کیا گیا۔

ابرار الحق 3 سال کیلئے ریڈ کراس کے چیئرمین مقرر

ابرار الحق 3 سال کیلئے ریڈ کراس کے چیئرمین مقرر — صدر عارف علوی کی منظوری کے بعد نوٹیفیکیشن جاری کردیا گیا — #ARYNews

Posted by ARY News on Friday, 15 November 2019

یاد رہے کہ ابرار الحق نے تحریک انصاف کے پلیٹ فارم سے سیاسی کیریئر کا آغاز کیا، انہوں نے 2018 کے عام انتخابات میں قومی اسمبلی کے حلقے این اے 78 سے مسلم لیگ ن کے رہنما احسن اقبال کے خلاف الیکشن بھی لڑا تھا البتہ انہیں ناکامی کا سامنا کرنا پڑا تھا۔

ابرار الحق گلوکاری اور سیاست کے ساتھ سماجی کام بھی کرتے ہیں، اُن کا فلاحی ادارہ غریب اور مستحق افراد کو علاج سمیت دیگر ضروریات زندگی کی سہولیات فراہم کرتا ہے۔

تحریک انصاف کے رہنما اس سے قبل انسانی حقوق کے سفیر رہ چکے جبکہ وہ قدرتی آفات سے نمٹنے کا وسیع تجربہ رکھتے ہیں۔

Comments

comments

یہ بھی پڑھیں