متحدہ عرب امارات کے دارالحکومت ابوظہبی میں سیاحوں کے لیے مخصوص کورونا ایپلی کیشن سے ویکسین کا آپشن ختم کر دیا گیا۔
متحدہ عرب امارات کی سب سے بڑی ریاست کی جانب سے یہ اقدام سیاحوں کے لیے مفت ویکسینیشن شروع کی سہولت فراہم کرنے کے بعد اٹھایا گیا ہے۔
عام شہریوں، مقیم غیرملکیوں اور ویزہ ہولڈرز کے بعد اب ابوظہبی میں موجود سیاحوں کو بھی کورونا ویکسین بالکل مفت لگائی جارہی ہے۔
وہ سیاح جو ریاست میں موجود ہیں یا پھر وہ آئندہ دنوں میں پہنچیں گے وہ مفت ویکسینیشن کے لیے بکنگ کروا سکتے ہیں۔
ابوظہبی میڈیا آفس کے مطابق وہ افراد جن کے رہائشی یا انٹری ویزے کی میعاد ختم ہو چکی ہے وہ بھی مفت ویکسیشنین کروا سکتے ہیں۔
ابوظہبی کی ہیلتھ سروسز کمپنی (صحتہ) کا کہنا ہے کہ ابوظہبی کی جانب سے جن سیاحوں کو ویزہ جاری کیا گیا ہے اور سیاحتی ویزہ پر آنے والے اہل افراد کو داخلے پر ہی مفت ویکسین فراہم کی جائے گی۔
واضح رہے کہ ابوظہبی میں اس وقت چین کی تیارکردہ کورونا ویکسین سائنوفارم اور امریکا کی فائزر ویکسین لگائی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں