The news is by your side.

Advertisement

ابوظبی میں شیشہ سروس بحال مگر اہم شرط عائد

ابوظبی : متحدہ عرب امارات کی ریاست ابوظبی میں دس ماہ بعد شیشہ سروس مشروط طور پر بحال کردی گئی،  ریستورانوں اور قہوہ خانوں کے مالکان و منتظمین سے کوویڈ19 سے بچاؤ کے لیے مقرر پابندیوں پرعمل درآمد جاری رکھنے کے لیے کہا گیا ہے۔

یو اے ای کے ذرائع ابلاغ کے مطابق ابوظبی میں اقتصادی ترقی کے ادارے نے ہدایت جاری کی ہے کہ شیشہ اور اس سے متعلقہ اشیاء صرف ایک بار ہی استعمال کی جائیں۔ ایک سے زیادہ بار شیشہ استعمال کرنے کی اجازت نہیں ہے۔

دوسری پابندی یہ لگائی گئی ہے کہ شیشہ پینے والوں کے لیے ریستوران یا قہوہ خانے میں جگہ الگ تھلگ ہو۔ شیشہ والے مقامات پر پابندی سے صفائی کا خصوصی اہتمام کیا جائے۔

اقتصادی ترقی کے ادارے نے اپنے بیان میں مزید کہا کہ قہوہ خانوں کے کارکنان صارف کو شیشہ پیش کرنے سے قبل اس کا تجربہ نہ کریں جبکہ کوویڈ 19 سے بچاؤ کے لیے احتیاطی تدابیر کی پابندی جاری رکھی جائے۔

Comments

یہ بھی پڑھیں