کراچی : عید کے موقع پر اوباش نوجوانوں نے شارع فیصل اور مختلف شاہراہوں پر بدمعاشیاں شروع کردی۔
تفصیلات کے مطابق شہر قائد کے علاقے سی ویو، شاہراہ فیصل سمیت مختلف علاقوں میں اوباش نوجوانوں نے فیملز اور خواتین کو ہراساں کرنا شروع کردیا۔
نمائندہ اے آر وائی کا کہنا تھا کہ نوجوانوں کی بدتمیزیوں سے سی ویو سمیت دیگر تفریحی مقامات پر جانے والی فیملیز بھی تنگ آگئیں۔
نمائندہ اے آر وائی نے بتایا کہ شارع فیصل پر خاتون کو چھیڑنے والے تین موٹر سائیکل سواروں کی فیملز سے تلخ کلامی بھی ہوئی، ہر سڑک پر اسی طرح کے نوجوان نظر آرہے ہیں جو فیملیز کو تنگ کررہے ہیں۔
ایس ایس پی اظفر مہیسر کا کہنا ہے کہ ایسے نوجوانوں کو گھرمیں تربیت ہی ایسی دی جاتی ہے، فیملیز کے ساتھ بدتمیزی کرنیوالوں کے خلاف کریک ڈاؤن کریں گے
ایس ایس پی اظفر مہیسر کا مزید کہنا تھا کہ اوباش نوجوانوں کے خلاف کریک ڈاؤن کریں گے تو پتہ چل جائے گا کہ حوالات بھرگئے ہیں۔
