The news is by your side.

Advertisement

صاف پانی کمپنی ریفرنس: نون لیگی رہنما سمیت 16 ملزمان بری

لاہور :‌ احتساب عدالت نے صاف پانی کمپنی ریفرنس میں نون لیگی رہنما انجینر راجہ قمر السلام اور وسیم اجمل سمیت 16 ملزمان کو بری کردیا۔

تفصیلات کے مطابق احتساب عدالت کے جج ساجد علی اعوان نے صاف پانی ریفرنس میں محفوظ کیا گیا فیصلہ سنایا ، فیصلے میں عدالت نے ملزمان کی بریت کی درخواستوں کو منظور کر لیا۔

عدالت نے نون لیگی رہنماؤن سمیت 16 ملزمان کو بری کردیا، جن میں ن لیگی رہنما انجینر راجہ قمر السلام ، وسیم اجمل ، کرنل ریٹائرڈ طاہر مقبول ، میجر ریٹائرڈ محمد خالد خان اور مسرور احمد، مینجر ریٹائرڈ عدنان آفتاب ، محی الدین، محمد یوسف اور مسعود الحسن کاظمی شامل ہیں۔ نے بریت کی درخواستیں دائر کر رکھی تتھی۔

صاف پانی کیس میں عدالت شہباز شریف کی بیٹی رابعہ اور داماد علی عمران کو اشتہاری قرار دے کر جاٸیداد قرقی کے احکامات جاری کر چکی ہے۔

دوسری جانب فیصلہ آنے پر نون لیگ کی نائب صدرمریم نواز نے راجہ قمر السلام کو مبارکباد دیتے ہوئے ٹوئٹ کیا کہ ایک ایک کر کے تمام جھوٹے مقدمات انجام کو پہنچیں گے۔

خیال رہے کہ پنجاب میں صاف پانی کی فراہمی کے لیے شروع کی جانے والی کمپنی میں بڑے پیمانے پر خرد برد کی گئی۔ ایک سماعت کے دوران سپریم کورٹ میں انکشاف کیا گیا تھا کہ 4 سال میں 116 فلٹریشن پلانٹ لگائے گئے، جن پر 400 کروڑ روپے خرچ کیے گئے۔

نیب کے مطابق صاف پانی کمپنی میں ہونے والی خرد برد میں سابق وزیر اعلیٰ شہباز شریف، ان کے صاحبزادے حمزہ شہباز اور داماد علی عمران ملوث ہیں جو نیب کے زیر تفتیش ہیں۔

Comments

یہ بھی پڑھیں