The news is by your side.

Advertisement

شہباز شریف کی بیٹی اور داماد کیخلاف ریفرنس سماعت کیلئے مقرر

لاہور : احتساب عدالت نے اپوزیشن لیڈر شہباز شریف کی بیٹی رابعہ عمران اور داماد عمران یوسف کیخلاف ریفرنس سماعت کیلئے مقرر کردیا، سماعت 9 دسمبر کو کی جاٸے گی۔

تفصیلات کے مطابق احتساب عدالت نے اپوزیشن لیڈر شہباز شریف کی بیٹی رابعہ عمران اور داماد عمران یوسف کیخلاف ریفرنس 9 دسمبر کو سماعت کیلئے مقرر کردیا۔

احتساب عدالت لاہور میں نیب کی جانب سے دائر ریفرنس میں رابعہ عمران، عمران علی سمیت دیگر پر 37 کروڑ 5 لاکھ 28 ہزار کا قومی خزانے کو نقصان پہنچانے کا الزام ہے ۔

مزید پڑھیں : بیٹی اور داماد کیخلاف ریفرنس : شہباز شریف فیملی کی مشکلات میں مزید اضافہ

ریفرنس کے مطابق صاف پانی واٹر فلٹریشن پلانٹس کی مد میں 13 کروڑ سے زاید کی کرپشن کی گئی ، سامان کی مہنگے داموں خریداری کے باعث قومی خزانے کو 13 کروڑ 32 لاکھ کا نقصان پہنچایا گیا جبکہ سولر ورک کی مد میں قومی خزانے کو 8 کروڑ 16 لاکھ کا نقصان پہنچایا گیا۔

نیب ریفرنس میں کہا گیا کہ عمران علی نے اپنی زیر تعمیر بلڈنگ صاف پانی کمپنی کو کراٸے پر دیا اور تعمیر مکمل ہونے سے پہلے ہی غیر قانونی طور پر کرایہ وصول کرتے رہے جبکہ انہوں نے قومی خزانے کو دو کروڑ 37 لاکھ کا نقصان پہنچا ۔

ریفرنس میں مرکزی ملزم وسیم اجمل کو بھی نامزد کیا گیا ہے۔

Comments

یہ بھی پڑھیں