منگل, فروری 18, 2025
اشتہار

راولپنڈی: خاتون ٹیچر سے ڈکیتی اور تشدد کے مقدمہ میں اہم پیشرفت

اشتہار

حیرت انگیز

راولپنڈی: خاتون ٹیچر کو لوٹنے میں ملوث ملزم زخمی حالت میں پکڑٓا گیا، ڈاکو حمزہ نے خاتون پر تشدد اور ڈکیتی کا اعتراف کرلیا ہے۔

تفصیلات کے مطابق راولپنڈی کے علاقے تھانہ وارث خان کی حدود میں خاتون ٹیچر سے ڈکیتی اورتشدد کے مقدمہ میں اہم پیشرفت سامنے آئی۔

خاتون ٹیچرسے ڈکیتی اور تشدد کی واردات میں ملوث ڈاکوؤں نے رات گئے پولیس پارٹی پر فائرنگ کی ، فائرنگ کے تبادلے میں ایک ڈاکو کو زخمی حالت میں گرفتار کرلیا گیا جبکہ اس کا ساتھی فرار ہوگیا۔

پولیس نے بتایا کہ زخمی ڈاکو سے اسلحہ اور موٹر سائیکل برآمد بھی ہوئی اور اس کی کی شناخت حمزہ کے نام سےہوئی،خاتون سے ڈکیتی اور تشدد کرنے میں ملوث دوسرا ساتھی ملزم کا بھائی تھا۔

دوران تفتیش ملزم نے ایک روز قبل علاقہ وارث خان میں خاتون سے ڈکیتی اورتشدد کرنے کا اعتراف کرلیا۔

یاد رہے راولپنڈی میں دو موٹر سائیکل سوا رملزمان نے راہگیر خاتون پر تشدد کیا اور پرس، زیور چھین کر فرار ہوگئے تھے ، واقعے کی ویڈیو منظر عام پر آئی تھی ، جس میں دیکھا جاسکتا تھا کہ کہ ایک ملزم نے خاتتون سے پرس چھینا اور دوسرے نے دبوچ لیا، ملزم نے خاتون کی چوڑیاں اور انگوٹھیاں کھینچ کر اتاری اس کے بعد خاتون کو تشدد کا نشانہ بنایا۔

اہم ترین

مزید خبریں