کراچی: سپریم کورٹ رجسٹری کی عمارت میں بم کی افواہ دینے والے ملزم کو گرفتار کرلیا گیا ، گرفتار ملزم کی عمر 30 سے 35 سال کے درمیان ہے۔
تفصیلات کے مطابق صدر ڈویژن پولیس نے سپریم کورٹ رجسٹری کی عمارت میں بم کی افواہ دینے والے ملزم کو گرفتار کرلیا۔
حکام نے بتایا کہ ملزم کو بغیر لوکیٹر گرفتار کیا گیا، گرفتار ملزم کی عمر 30 سے 35 سال کے درمیان ہے، ملزم کے فون کا فارنزک کرایا جائے گا۔
پولیس نے ملزم کو لے کر تھانے منتقل کردیا ہے جہاں مزید تفتیش کا عمل جاری ہے۔
یاد رہے کراچی میں سپریم کورٹ کراچی رجسٹری کے قریب آرام باغ میں بم کی اطلاع موصول ہوئی تھی ، جس کے بعد پولیس اور بم ڈسپوزل اسکواڈ کے عملے کو طلب کیا گیا۔
جس کے بعد بم ڈسپوزل اسکواڈ نے مکمل سرچنگ کے بعدعمارت کلیئر قرار دی۔
ایس پی صدر زاہدہ پروین نے بتایا کہ کچھ دیرقبل 15 پرسپریم کورٹ میں بم کی اطلاع ملی تھی، کال موصول ہونے کے بعد سپریم کورٹ ٹیمیں بھیجی گئیں۔3
زاہدہ پروین کا کہنا تھا کہ 15پر موصول کال کوسنا گیا کالر نے اپنا نام قائداعظم محمدعلی جناح بتایا، ریکارڈنگ سننے پر معلوم ہوا ہے کالر کا دماغی توازن ٹھیک نہیں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔