کراچی : ملزمان ایک ہی وقت میں باپ بیٹے کی کاریں چوری کرکے لے گئے، پولیس کا کہنا ہے کہ پہلی مرتبہ دیکھاہے کہ ایک ساتھ 2 کاریں چوری ہوئی۔
تفصیلات کے مطابق کراچی کے علاقے راشد منہاس روڈ سے باپ بیٹے کی گاڑیاں چوری ہوگئیں ، دونوں نے واقعے کا مقدمہ درج کرادیا۔
ملزمان ایک ہی وقت میں باپ بیٹے کی کاریں چوری کرکےلےگئے، گلشن اقبال تھانےمیں سکندر یونس کی مدعیت میں مقدمہ درج کیا گیا۔
- Advertisement -
مقدمے کے متن میں کہا گیا کہ میں اورمیرا بیٹا اپنی اپنی کار میں دفتر پہنچے تھے، دو گھنٹے بعدسوک سینٹرجانے کے لیے اترےتو کاریں غائب تھیں۔
مدعی مقدمے نے بتایا کہ معلومات کرنےپرپتہ چلاکاریں پارک کرنےکے 1 گھنٹےبعدچوری ہوئیں، عینی شاہد کے مطابق ایک کار میں آنے والے ملزمان نے کار چوری کی۔
پولیس کا کہنا ہے کہ پہلی مرتبہ دیکھاہے کہ ایک ساتھ 2 کاریں چوری ہوئی تاہم تفتیش جاری ہے۔
