اسلام آباد : بجلی چوروں کے خلاف آپریشن میں یکم ستمبر سے 15 اکتوبر تک ملک بھر سے اربوں روپے وصول کرلئے گئے۔

تفصیلات کے مطابق بجلی چوروں کے خلاف ایکشن کے نتائج منظرعام پر آگئے، نگران حکومت، سیکیورٹی فورسزاورعسکری قیادت نے معیشت کے استحکام کی خاطرسخت اقدامات لینے کا فیصلہ کیا۔

جس کے بعد حکومتی ایما پر ماہ ستمبر سے ملک بھرمیں بجلی چوروں کے خلاف آپریشن کاآغاز کیا گیا ، یکم ستمبر سے 15 اکتوبر تک ملک بھر سے اربوں روپے وصول کئے اور 16 ہزار 746سےزائدگرفتاریاں عمل میں لائی گئیں۔

پنجاب سے 2037، سندھ سے 36، خیبرپختونخوا سے 518، اسلام آباد سے 69 گرفتاریاں ہوئی جبکہ پنجاب میں 5 ہزار 003، سندھ میں 109، خیبرپختونخوا میں 617 ، بلوچستان میں 4 اور اسلام آباد میں 81 ایف آئی آردرج کی گئیں۔

آپریشن کے دوران پنجاب سے 1.73ملین، اسلام آبادسے0.08 ملین روپے، خیبرپختونخواسے1.26ملین،سندھ سے1.6ملین،بلوچستان سے0.017ملین روپےجرمانہ وصول کیا گیا۔

نگران حکومت اور قانون نافذکرنیوالے ادارے ملک بھر سے بجلی چوری کے مکمل خاتمے کیلئے پر عزم ہیں۔