The news is by your side.

Advertisement

اے آر وائی نیوز کی خبر پر ایکشن، سروسز اسپتال میں ایم آئی آر مشین فعال

لاہور: صوبائی وزیر صحت پنجاب ڈاکٹر یاسمین راشد نے اے آر وائی نیوز کی خبر پر ایکشن لے لیا ہے۔

تفصیلات کے مطابق لاہور سمیت پنجاب کے شہریوں کو طبی سہولتوں فراہم کرنے والے سروسز اسپتال میں گذشتہ کئی ماہ سے ایم آرآئی مشین خراب تھی، یہ مشین گذشتہ سال ہی منگوائی گئی تھی،ایم آر آئی مشین کی خرابی کی وجہ سے آوٹ ڈور میں روزانہ آنے والے ہزاروں مریضوں کو ٹیسٹ کے لیے شدید پریشانی کا سامنا تھا۔

اے آر وائی نیوز نے سروسز اسپتال میں ایم آر آئی مشین کی خرابی کی نیوز نشر کی تھی، اس کے علاوہ اےآروائی نیوز نے ریڈیالوجی ڈیپارٹمنٹ کے سربراہ کی جانب سے مریضوں کو اپنے کلینک بھجوانےکی خبر نشر کی تھی۔

اے آر وائی نیوز کی خبر پر صوبائی وزیرصحت ڈاکٹریاسمین راشد نے ایکشن لیا جس کے بعد سروسزاسپتال میں نئی ایم آر آئی مشین کو فعال کردیاگیا ہے۔

ایم ایس سروسز اسپتال کی جانب سے جاری بیان میں کہا گیا ہے کہ اب تمام لوگ سروسز اسپتال سے فری ایم آر آئی کروا سکیں گے۔

Comments

یہ بھی پڑھیں