The news is by your side.

Advertisement

کیریئر بنانے میں بہت محنت کی، شوبز چھوڑنے پر کوئی پچھتاوا نہیں، فیروز خان

کراچی: معروف پاکستانی اداکار فیروز خان کا کہنا ہے کہ کیریئر بنانے میں بہت محنت کی لیکن شوبز چھوڑنے پر کوئی پچھتاوا نہیں ہے۔

تفصیلات کے مطابق معروف اداکار فیروز خان نے اے آر وائی نیوز کے پروگرام ’ہر لمحہ پرجوش‘ میں گفتگو کرتے ہوئے کہا کہ شوبز چھوڑنے پر کوئی پچھتاوا نہیں ہے، جو بھی کام کیا ہے اس پر فخر ہے، اللہ کا شکر ادا کرتا ہوں، میرے گھر میں بہت بڑی تبدیلی آئی ہے جس پر خوشی ہے۔

انہوں نے کہا کہ مولانا طارق جمیل سے ملاقاتیں ہوتی رہتی ہیں، مولانا طارق جمیل سے بہت کچھ حاصل کیا، شکر گزار ہوں وہ میرے لیے وقت نکالتے ہیں۔

فیروز خان نے کہا کہ میرے والد ٹیکسی ڈرائیور تھے، اسکول کی فیس ادا کرنے میں بھی مشکل ہوتی تھی جبکہ وہ بہت کم ظرف ہوگا جو صرف ہدایت اپنے لیے مانگے۔

ایک سوال کے جواب میں فیروز خان نے کہا کہ ماروی سرمد کا پورا کھیل فنڈڈ تھا، خلیل الرحمان قمر کا مداح نہیں ہوں۔

فیروز خان کا کہنا تھا کہ ڈرامہ سیریل ’میرے پاس تم ہو‘ میں اداکاری کرنے والا تھا، دانش کا کردار ہمایوں سعید کی جگہ میں کرنے والا تھا، میں نے دانش کے کردار کے لیے پیسے مانگے تھے اس لیے مجھے منع کردیا گیا۔

یاد رہے کہ 6 مارچ کو فیروز خان نے شوبز انڈسٹری چھوڑنے کا اعلان کیا تھا، ان کا کہنا تھا کہ اپنا یہ پلیٹ فارم صرف اسلام کی ترویج کے لیے استعمال کروں گا۔

fb-share-icon0
Tweet 20

Comments

comments

یہ بھی پڑھیں