پاکستانی فلم اور ڈرامہ انڈسٹری کی معروف اداکارہ ہانیہ عامر نے نیٹ فلکس شو کی نقل اتارنے کی ویڈیو سوشل میڈیا پر وائرل ہوگئی۔
اداکارہ ہانیہ عامر کو وائرل ویڈیو میں نیٹ فلکس کے شو کے ڈائیلاگ پر لپ سنکنگ کرتے دیکھا جاسکتا ہے کہ وہ اداکاری کرتے ہوئے کہہ رہی ہیں کہ ’آج فرنچ لگ رہی ہوں، انہوں نے فرانسیسی زبان میں شو کے ڈائیلاگ بھی ادا کیے۔
اداکارہ کی ویڈیو پر بھارتی ریپر بادشاہ نے کمنٹ کیا گیا کہ ’تھوڑا ’پور‘ فیور؟۔‘ ہانیہ عامر نے بھی جواب دیتے ہوئے لکھا کہ ’تھوڑا اسپینش بھی۔‘
ہانیہ عامر نے انسٹاگرام پر گزشتہ روز ویڈیو اور تصاویر شیئر کرتے ہوئے لکھا تھا کہ ’میں اپنی فیورٹ ہوں۔‘
اداکارہ کی ویڈیو کو لاکھوں کی تعداد میں صارفین نے پسند کیا اور اس پر اپنی رائے کا اظہار بھی کیا تھا۔
واضح رہے کہ ہانیہ عامر اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں مرکزی کردار نبھا رہی ہیں، دیگر کاسٹ میں وہاج علی، زاویار نعمان، شہود علوی ودیگر شامل ہیں۔
اس سے قبل ہانیہ عامر مقبول ڈرامہ سیریل ’میرے ہمسفر‘ اور ’عشقیہ‘ میں بھی اداکاری کے جوہر دکھا چکی ہیں۔ ہمسفر میں ان کے ساتھ فرحان سعید مرکزی کردار میں موجود تھے جبکہ عشقیہ میں فیروز خان، رمشا خان ودیگر نے اداکاری کے جوہر دکھائے۔
