بھارت کے سینئر اور معروف اداکار نصیر الدین شاہ نے سندھی زبان سے متعلق بیان پر غلطی کا اعتراف کر لیا۔
دورانِ انٹرویو نصیر الدین شاہ نے کہا تھا کہ پاکستان میں بلوچی، دری اور دیگر زبانیں بولی جاتی ہیں جبکہ سندھی اب نہیں بولی جاتی۔
بیان پر صارفین نے اداکار کو آڑے ہاتھوں لیا اس کے علاوہ پاکستان کے متعدد اداکار و اداکارہ نے ان کے بیان پر تنقید کی۔
“Sindhi, of course, is no longer spoken in Pakistan..”
WTF, Shah Ji? pic.twitter.com/kp4tYlmykG— Umar Aziz Khan (@UmarAzizKhan9) June 5, 2023
تاہم اب سوشل میڈیا پر جاری بیان میں نصیر الدین شاہ نے اعتراف کیا کہ اس معاملے پر میں غلط تھا، پاکستان میں سندھی زبان نہ بولے جانے سے متعلق میرا بیان غلط تھا۔
نصیر الدین شاہ کے سندھی زبان سے متعلق بیان پر منشا پاشا بھی بول پڑیں
نصیر الدین شاہ نے کہا تھا کہ مراٹھی اور فارسی کےدرمیان تعلق کےبیان کو بھی غلط سمجھا گیا، میں نےکہا تھا بہت سے مراٹھی الفاظ فارسی زبان کے ہیں، میری نیت مراٹھی زبان کو نیچا دکھانا نہیں تھی ،میرا مقصد ثقافتی تنوع کو بیان کرنا تھا۔
پاکستانی مشہور شوبز شخصیات یاسر نواز اور منشا پاشا نے دانش نواز کے ساتھ مل کر نصیر الدین شاہ کے پاکستان میں سندھی زبان کے بارے میں تبصرے کا مزاحیہ انداز میں جواب بھی دیا تھا۔
