پاکستانی ڈرامہ انڈسٹری کے معروف اداکار نور حسن نے اپنے بچپن کی تصاویر سوشل میڈیا پر شیئر کردیں جسے مداحوں کی جانب سے سراہا جارہا ہے۔
اداکار نور حسن کا شمار پاکستانی ڈرامہ انڈسٹری کے نامور اداکاروں میں ہوتا ہے، اداکار نے حال ہی میں اپنے بچپن کی تصاویر شیئر کی جنہیں مداحوں کی جانب سے بھرپور پذیرائی مل رہی ہے۔
نور حسن نے ان تصاویر میں بچپن اور جوانی کی عادات کا تذکرہ کیا، تصاویر میں دیکھا جاسکتا ہے کہ اداکار نے تین مختلف موڈز دکھائے ہیں ایک میں وہ منہ پر ہاتھ رکھے ہوئے ہیں، دوسری میں مسکرا رہے ہیں اور تیسری تصویر میں ان کی جانب سے حیرانی کا تاثر دیا گیا ہے۔
نور حسن نے تصویر شیئر کرتے ہوئے لکھا کہ ’کچھ چیزیں کبھی تبدیل نہیں ہوتیں۔
اداکار کی تصویر چند منٹوں میں ہی سوشل میڈیا پلیٹ فارمز پر وائرل ہورہی ہے۔
خیال رہے کہ اس سے قبل بھی مختلف اداکاروں کی جانب سے اپنے بچپن سے متعلق مختلف تصاویر شیئر کی جاتی رہی ہیں۔
