The news is by your side.

Advertisement

کیا ایمن سلیم دوبارہ شوبز انڈسٹری میں واپس آرہی ہیں؟

پاکستانی شوبز انڈسٹری کی ابھرتی ہوئی اداکارہ ایمن سلیم نے شوبز انڈسٹری میں واپسی کا فیصلہ کیا ہے۔

میڈیا رپورٹ کے مطابق اداکارہ ایمن سلیم نے حال ہی میں ایک نجی ٹی وی کے شو میں بطور مہمان شرکت کی، جہاں میزبان نے ان سے سوال کیا کہ آپ کے بارے میں کچھ کنفیوژن ہے کہ آج آپ یہاں موجود ہیں تو آپ نے اداکاری چھوڑنے کا اعلان کیوں کردیا تھا؟

اس سوال کا جواب دیتے ہوئے ایمن سلیم نے کہا کہ دراصل ہوا یہ تھا کہ وہ کارپوریٹ انڈسٹری سے ہیں تو جب وہ شوبز انڈسٹری میں آنے کے لیے ذہنی طور پر تیار نہیں تھیں کیونکہ شوبز انڈسٹری باقی انڈسٹری سے بہت مختلف ہے۔

ادکارہ کے جواب پر میزبان نے سوال کیا کہ انہیں باقی انڈسٹریز کے بارے میں معلومات ہیں؟

جس پر اداکارہ نے جواب دیا کہ جی ہاں، جیسے کہ وہ پہلے نیویارک میں انویسٹمینٹ بینکنگ اور کنسلٹنگ کر چکی ہیں تو وہ اس حوالے سے بات کررہی ہیں کہ جب آپ مکمل طور پر ایک شعبے کو چھوڑ کر دوسرے کا انتخاب کرلیتے ہیں۔

یہ بھی پڑھیں: ایمن سلیم نے شوبز کو خیرباد کہہ دیا؟

انہوں نے بتایا کہ ’شوبز انڈسٹری میں آنا ان کے لیے زندگی کے بدل جانے کے مترادف تھا، مجھے شوبز انڈسٹری میں بہت پسند کیا گیا اور اس کے لیے میں بہت خوش ہوں اور شکر گزار بھی لیکن میں ذہنی طور پر تیار نہیں تھیں اس لیے انہوں نے سوچنے کے لیے تھوڑا وقت لیا کہ وہ کیا کرنا چاہتی ہیں اور پھر انہوں نے شوبز میں واپس آنے کا فیصلہ کیا۔

واضح رہے کہ اداکارہ ایمن سلیم پاکستان کے سابق کرکٹر سلیم یوسف کی صاحبزادی ہیں۔

اداکارہ بطور ماڈل اور پاکستان یوتھ پارلیمنٹ کی نوجوان سفیر بھی ہیں، اس کے علاوہ وہ مقبول گلوکارہ اور کوئین آف پاپ گلوکارہ نازیہ حسن کی بھتیجی بھی ہیں۔

Comments

یہ بھی پڑھیں