کراچی: پاکستانی شوبز انڈسٹری کی سینئر اداکارہ و ہدایتکارہ سنگیتا کی چھوٹی بہن و اداکارہ حنا رضوی رشتہ ازدواج میں منسلک ہوگئیں۔
اے آر وائی ڈیجیٹل کے ڈراموں ’قدوسی صاحب کی بیوہ۔‘ ’تیرا وعدہ۔‘ اور ’حبس‘ میں اداکاری کے جوہر دکھانے والی اداکارہ حنا رضوی اور عمار احمد خان گزشتہ روز شادی کی۔
View this post on Instagram
41 سالہ حنا رضوی نے اپنی زندگی کے سب سے خاص اور بڑے دن پر گولڈن رنگ کی خوبصورت میکسی زیب تن کی جبکہ اُن کے دولہا نے سفید کُرتے پاجامے کے ساتھ واسکٹ پہنی۔
View this post on Instagram
اس جوڑی کی شادی کی تقریب میں سینیئر اداکارہ سنگیتا، اُن کے اہلخانہ، چند قریبی رشتہ داروں اور دوستوں نے شرکت کی جس کی تصویر بھی سوشل میڈیا پر وائرل ہے۔
اس کے علاوہ حنا رضوی کی شادی کے جوڑے میں لی گئی تصاویر بھی سوشل میڈیا پر وائرل ہورہی ہیں جہاں مداحوں کی جانب سے اداکارہ اور اُن کے شوہر کو شادی کی مبارکباد دی جارہی ہے۔
View this post on Instagram
چند روز قبل حنا رضوی نے اپنے مایوں کی تقریب کی تصاویر سوشل میڈیا پر پوسٹ کی تھی، اُن کی مایوں کی تقریب گھر میں ہی منعقد کی گئی تھی جس میں شوبز سے تعلق رکھنے والے کئی فنکاروں نے شرکت کی تھی۔
View this post on Instagram
واضح رہے کہ حنا رضوی نے اپنی بڑی بہن سنگیتا کے نقشِ قدم پر چلتے ہوئے کئی پاکستانی ڈراموں میں اداکاری کی ہے، اُن کے مشہور ڈراموں میں ‘فیری ٹیل’، ‘بشر مومن’، ‘اُمید’، ‘کالج گیٹ’، ‘بندش’ اور ‘تقدیر’ سمیت دیگر ڈرامے شامل ہیں۔