اسلام آباد: انگلش وکٹ کیپر بلے باز ایڈم روسنگٹن کو جیمز ونس کی جگہ کراچی کنگز کے اسکواڈ میں شامل کرلیا گیا ہے۔
تفصیلات کے مطابق انگلش وکٹ کیپر وبلے باز ایڈم روسنگٹن آج اسلام آباد پہنچ گئے ہیں، انہوں نے پاکستان سپر لیگ کے جاری سیزن 8 میں اپنے ہم وطن جیمز ونس کے متبادل کے طور پر کراچی کنگز کے اسکواڈ کرلیا ہے۔
پاکستان سپر لیگ کی فرنچائز کراچی کنگز کے اہم کھلاڑی جیمز ونس نیشنل ڈیوٹی کے باعث گزشتہ روز ڈھاکہ روانہ ہوئے تھے۔
JUST-IN: English wicket-keeper batter Adam Rossington arrives in Islamabad to join the #KingsSquad 🤝#YehHaiKarachi | #HBLPSL8 pic.twitter.com/0DxSw66vN2
— Karachi Kings (@KarachiKingsARY) February 27, 2023
سماجی رابطے کی ویب سائٹ ٹوئٹر پر کراچی کنگز نے وکٹ کیپر بلے باز کی اسلام آباد میں آمد کا اعلان کیا، تاہم جیمز ونس 14 مارچ کو انگلینڈ کے دورہ بنگلہ دیش کے اختتام کے بعد دوبارہ پی ایس ایل کو جوائن کریں گے۔
کراچی کنگز کے جیمز ونس نے پی ایس ایل کو الوداع کہہ دیا
واضح رہے کہ 2020 کی پی ایس ایل چیمپئن کراچی کنگز کا اگلا مقابلہ یکم مارچ کو راولپنڈی میں پشاور زلمی سے ہوگا۔