اسلام آباد : ایشیائی ترقیاتی بینک نے پاکستان کو مزید ایک ارب پچاس کروڑ ڈالر کی مالی امداد کا اعلان کردیا۔
تفصیلات کے مطابق ایشیائی ترقیاتی بینک نے پاکستان کیلئے ایک ارب پچاس کروڑ ڈالر کی لون فنانسنگ کی منظوری دے دی۔
اے ڈی بی کا کہنا ہے کہ یہ رقم پاکستان میں سیلاب کےباعث بڑے پیمانے پر تباہی سے نمٹنے میں مدد فراہم کی جائے گی۔
ایشیائی ترقیاتی بینک نے کہا ہے کہ اس رقم سے سپلائی چین میں رکاوٹ، غزائی تحفظ کو فروغ دینے اور روز گار پیدا کرنے میں مدد فراہم ہو گی اور پاکستان اپنی ترقیاتی اخراجات کی کمی کو بھی اس رقم سے پورا کر سکے گا۔
وزیر خزانہ اسحاق ڈار نے سماجی رابطے کی ویب سائٹ ٹوئٹر پر اپنے پیغام میں کہا ہے کہ الحمدللہ اےڈی بی نے پاکستان کیلئے 1.5 بلین ڈالرکی فنانسنگ کی منظوری دے دی ، اے ڈی بی کیساتھ معاہدے ،فنڈزکی فراہمی آئندہ ہفتے ہوگی۔
AlhamdoLilah!
Asian Development Bank’s Board has approved today BRACE facility of US Dollars 1.5 Billion for Pakistan.
Agreement signing and release of funds in the week beginning Monday 24th Oct 2022.— Ishaq Dar (@MIshaqDar50) October 21, 2022
یاد رہے رواں ماہ کے شروع میں ایشیائی ترقیاتی بینک نے پاکستان کو سیلاب ریلیف سپورٹ کی مد میں 2 ارب 50 کروڑ ڈالر دینے کا اعلان کیا تھا۔
وزارت خزانہ کی جانب سے بیان میں کہا گیا تھا کہ اے ڈی بی کے کنٹری ڈائریکٹریونگ یی نےوزیر خزانہ اسحاق ڈار سے ملاقات کے بعد اس کا اعلان کیا۔
وزارت خزانہ کا کہنا تھا کہ اے ڈی بی پاکستان کو دواعشاریہ تین سے دواعشاریہ پانچ بلین ڈالر کی سیلاب سے متعلق امداد میں فراہم کرے گا۔