جنیوا: اقوام متحدہ کے سیکریٹری جنرل انتونیو گوتریس نے کہا کہ سیلابی صورت حال میں پاکستان کی مدد قرضوں کی ادائیگی میں تعاون سے بھی ہو سکتی ہے۔
سیلاب متاثرین علاقوں کی تعمیر اور بحالی کیلئے عالمی ڈونرز کانفرنس کے افتتاحی سیشن میں اقوام متحدہ کے سیکریٹری جنرل انتونیو گوتریس نے خطاب کرتے ہوئے کہا کہ پاکستان میں سیلاب سے تباہی کے مناظر دیکھ کر دل ٹوٹ گیا ہے۔
جنرل سیکریٹری کا کہنا تھا کہ پاکستان کے عوام سے یکجہتی کرنیوالے ممالک کاشکریہ اداکرتاہوں، پاکستان میں سیلاب کی تباہی کے باعث پاکستان میں 80 لاکھ لوگ بےگھر ہوئے ہیں۔
یواین سیکریٹری جنرل نے کہا کہ برے حالات میں بھی پاکستانی عوام کی فیاضی اورجذبہ دیکھ کر حیران ہوا، پاکستانی عوام نے سیلاب زدگان کی متاثرین کیلئے فراخدلی کامظاہرہ کیاہے انہوں نے سیلاب زدہ علاقوں میں پہنچے انکی مدد کی اور محفوظ مقام پر منتقل کیا۔
انتونیو گوتریس کا کہنا تھا کہ کانفرنس کے ذریعے کیش، ٹرانسفر اور دیگر طریقہ کار سے پاکستام کو امداد دی جاسکتی ہے، سیلاب متاثرین کی بحالی کیلئے پاکستان کو فوری طور پر 16 ارب ڈالر کی ضرورت ہے۔
انہوں نے کہا کہ پاکستان میں ہونیوالی سیلاب سے تباہی کا خود جاکر مشاہدہ کیا، میں نے دیکھا ہے پاکستانی خواتین نے بھی آگے بڑھ کر سیلاب زدہ علاقوں میں خود کام کیا۔
انتونیو گوتریس کا کہنا تھا کہ پاکستان کو موسمیاتی تبدیلی کاسامنا اور قرضوں کی ادائیگی بھی کرنی ہے، سیلابی صورتحال میں پاکستان کی مدد قرضوں کی ادائیگی میں تعاون سے بھی ہوسکتی ہے
یو این جنرل کا کہنا تھا کہ پاکستان میں موسمیاتی تبدیلیوں کے اثرات سامنے آئے ہیں، موسمیاتی تبدیلیوں کا سامنا کرنیوالے ممالک کو فوری مدد کی ضرور ہے اور آج کی کانفرنس پر سیلاب متاثرین کی بحالی اور دوبارہ تعمیر نو کیلئے پہلا قدم ہے۔
یو این سیکریٹری جنرل انتونیوو گوتریس نے کانفرنس میں خطاب کرتے ہوئے مزید کہا کہ پاکستان قدرتی آفات کیساتھ اخلاقی طور پرکرپٹ بین الاقوامی معاشی سسٹم کاشکار ہے۔
