پاکستانی ڈرامہ انڈسٹری کے معروف اداکار عدنان صدیقی کا ٹویٹر اکاؤنٹ بالآخر ویریفائیڈ ہوگیا۔
گزشتہ سال اکتوبر میں اداکار عدنان صدیقی جن کے اس وقت ٹوئٹر پر 98 ہزار سے زائد فالورز تھے، اپنا اکاؤنٹ ویریفائیڈ نہ ہونے پر اداکار نے ٹوئٹ کرتے ہوئے شکوے کا اظہار کیا تھا۔
تاہم اب عدنان صدیقی کا ٹوئٹر اکاؤنٹ ویریفائڈ ہوگیا جس کے بعد انہیں بلو ٹک بھی مل گیا۔
Hello @verified @jack 220 million Pakistanis can vouch for me being a big time small actor (or the other way round, as they please)who’s worked across continents. Still not qualified enough to get my handle verified? #adnanwho?
— Adnan Siddiqui (@adnanactor) October 12, 2021
اکاؤنٹ ویریفائڈ ہونے کے بعد عدنان صدیقی نے ٹوئٹر پر لکھا کہ’اس تنازعہ سے کچھ اچھا حاصل ہوا جس میں مجھے زبردستی گھسیٹا گیا ٹوئٹر نے آخرکار میرے وجود کو مان لیا اور میرے اکاؤنٹ کو ویرفائیڈ کردیا’۔
Something good did come out of the controversy I got unwittingly dragged into. Twitter finally took note of my existence & verified my handle! Nudge nudge wink wink #shukriya @verified
— Adnan Siddiqui (@adnanactor) May 20, 2022
واضح رہے کہ گزشتہ دنوں عدنان صدیقی نے لندن میں مسلم لیگ ن کے سربراہ نواز شریف سے ملاقات کی تھی جس کے بعد یہ خبریں گردش کررہی تھیں کے اداکار نے لیگی پارٹی میں شمولیت حاصل کرلی ہے۔تاہم انہوں نے ایسی تمام خبروں کی تردید کردی تھی۔
یاد رہے کہ عدنان صدیقی اب ٹوئٹر پر ایک لاکھ 23 ہزار سے زائد فالورز ہیں۔
