تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

راولپنڈی : اڈیالہ جیل میں مبینہ تشدد سے نوجوان ملزم ہلاک

راولپنڈی : پنجاب کی مشہور زمانہ اڈیالہ جیل میں پولیس کے مبینہ تشدد سے قید ملزم جان کی بازی ہار گیا، متوفی ایاز ڈکیتی کے الزام میں قید تھا۔

تفصیلات کے مطابق راولپنڈی کےعلاقے پیر ودھائی گلی لوہاراں کے رہائشی ایاز کی لاش اڈیالہ جیل سے اسپتال منتقل کی گئی ہے۔ متوفی کے لواحقین نے الزام عائد کیا ہے کہ ایاز پر ڈکیتی کا مقدمہ درج تھا جس پر بدترین اور جان لیوا تشدد کیا گیا۔

اس حوالے سے سپرنٹنڈنٹ اڈیالہ جیل نے ملزم کی ہلاکت کی انکوائری کیلئے ڈسٹرکٹ اینڈ سیشن کو خط ارسال کیا ہے جس میں درخواست کی گئی ہے کہ ملزم کی موت کی وجہ کے تعین کیلئے جوڈیشل افسر کا تقرر کیا جائے۔

دوسری جانب ڈی ایچ کیو اسپتال کے حکام نے بتایا ہے کہ ملزم ایاز کو جب اسپتال لایا گیا تو پہلے ہی اس کی موت واقع ہوچکی تھی۔

اسپتال انتظامیہ کے مطابق ابتدائی معائنے میں کسی زخم یا تشدد کے نشانات نہیں ملے، تشدد سے متعلق حتمی رائے پوسٹ مارٹم رپورٹ کے بعد قائم کی جائے گی۔

Comments

- Advertisement -