The news is by your side.

Advertisement

ورلڈکپ کیلیے اہم کھلاڑی افغان ٹیم کے کپتان مقرر

افغانستان کرکٹ بورڈ نے مایہ ناز اسپنر راشد خان کو رواں سال یو اے ای میں شیڈول ٹی ٹوئنٹی ‏ورلڈکپ کے لیے کپتان مقرر کر دیا۔

آئی سی سی ٹی ٹوئنٹی رینکنگ میں دوسری پوزیشن پر موجود راشد خان دوسری بار ٹیم کی قیادت ‏کر رہے ہیں۔

اس سے قبل 2018-19 میں انہیں قیادت سونپی گئی تھی اور کچھ عرصے بعد انہوں نے یہ کہہ کر ‏کپتانی سے دستبرداری اختیار کی تھی کہ اس ذمہ داری کی وجہ سے ان کی کارکردگی متاثر ہوئی ‏ہے۔

بورڈ نے ایک بار پھر ان پر اپنے مکمل اعتماد کا مظاہرہ کرتے ہوئے عالمی کپ کے لیے ٹیم کی ‏قیادت سونپی ہے اور ان کا سب سے بڑا چیلنج ٹی ٹوئنٹی ورلڈکپ ہو گا۔

راشد خان نے کپتانی ملنے پر ردعمل میں بورڈ کا شکریہ ادا کرتے ہوئے کہا ہے کہ ایک بار پھر ‏بھرپور بھروسے اور اعتماد نے ان کا حوصلہ بڑھایا ہے ملک اور ٹیم کے لیے کھیلنا میری ذمہ داریوں ‏میں شامل ہے۔

بورڈ نے مڈل آرڈر بیٹسمین نجیب اللہ زردان کو نائب کپتان مقرر کیا ہے۔

Comments

یہ بھی پڑھیں