اسلام آباد: جہلم کے رہائشی افغان خاندان نے انخلا کے نوٹس کیخلاف ہائیکورٹ سے رجوع کرلیا، جس میں استدعا کی گئی کہ ہمیں سنے بغیر کوئی بھی سخت ایکشن لینے سے روکا جائے۔
تفصیلات کے مطابق اسلام آبادہائیکورٹ کےچیف جسٹس عامر فاروق نے جہلم کے رہائشی افغان شہری کی کی انخلا کیخلاف درخواست پر سماعت کی۔
درخواست میں کہا گیا کہ حکومت کے نوٹیفکیشن کے مطابق صرف غیر قانونی مقیم غیر ملکیوں کو واپس جانے کا کہا گیا، درخواست گزار اور اس کی اہلیہ کے پاس مہاجر کارڈ موجود ہے۔
وکیل درخواست گزار نے بتایا کہ درخواست گزار کے 3 بچے کم عمر اور اسکول میں زیر تعلیم ہیں ، 23 اکتوبر کو وزارت داخلہ کے اہلکاروں نے افغانستان واپس جانے کا کہا، استدعا ہے ہمیں سنے بغیر کوئی بھی سخت ایکشن لینے سے روکا جائے ، درخواست میں استدعا
اسلام آبادہائیکورٹ نے فریقین کو نوٹس جاری کرکے جواب طلب کرلیا اور سماعت ملتوی کردی۔