اسلام آباد: افغان صدر اشرف غنی نے وزیراعظم نواز شریف کو ٹیلی فون کیا اور کوئٹہ دھماکے میں انسانی جانوں کے ضیاع پر افسوس کا اظہارکیا۔
وزیراعظم نواز شریف کو کیے گئے فون میں افغانستان کے صدر اشرف غنی نے اظہار افسوس کرتے ہوئے کہا کہ دھماکوں اور انسانی جانوں کے ضیاع پر شدید افسوس ہے ، دکھ کی اس گھڑی میں پاکستانی عوام کے ساتھ ہیں، دہشت گردی پاکستان اور افغانستان کا مشترکہ مسئلہ ہے۔
افغان صدر نے اشرف غنی نے کہا کہ پاکستان اور افغانستان دونوں مل کر دہشت گردی کے اس ناسور کو جڑ سے اکھاڑ کر پھینک دیں گے، دہشت گردی دونوں ممالک کےلیے خطرہ ہے۔
کوئٹہ سول اسپتال میں دھماکا، 72افراد جاں بحق، 112 زخمی
واضح رہے کہ پیر کے روز بلوچستان کے صوبائی دارالحکومت کوئٹہ کے سول اسپتال میں دھماکہ ہوا ، جس کے نتیجے میں دو نجی چینل کے کیمرا مین سمیت 72 افراد جاں بحق جبکہ 112 سے زائد افراد زخمی ہوئے تھے۔
بعد ازاں اقوام متحدہ کے جنرل سکریٹری سمیت دنیا بھر کے رہنماوں کی جانب سے کوئٹہ میں ہونے والے دھماکے کی مذمت کی گئی تھی ۔
