بھارتی میڈیا نے افغان وزیر دفاع ملایعقوب مجاہد کےبیان کا حوالہ دیکر پاکستان پر بغیرشواہد کے کیچڑا چھالنا شروع کردیا۔
تفصیلات کے مطابق بھارت اور افغان طالبان پاکستان کیخلاف یک زبان ہوگئے اور بھارتی میڈیا افغان طالبان کے بیانیہ کو درست ثابت کرنے کیلئے سرگرم ہو گیا۔
بھارتی پروپیگنڈا کو تقویت دینے میں بھارتی ذرائع ابلاغ قدم با قدم بھارتی حکومت کے منصوبوں پرعمل پیرا ہیں ، بھارتی خبررساں ادارے ورلڈ از ون نیوز، اےاین آئی نیوزایجنسی نے پاکستان پر بغیر شواہد کیچڑا چھالنا شروع کردیا۔
بھارتی میڈیا نے افغان وزیر دفاع ملایعقوب مجاہد کےبیان کاحوالہ دیکرپاکستان پر بغیرشواہد کےکیچڑاچھالنا شروع کیا۔
طلوع نیوز کی خبر کا حوالہ دیتے ہوئے افغان طالبان کے عبوری وزیر دفاع ملا یعقوب مجاہد کا بیان شائع کیا، جس میں ان کا کہنا تھا کہ سال 2023 میں افغانستان میں بیس سے زائد پاکستانیوں کو دہشت گردی کی کارروائیوں میں ملوث ہونے پر ہلاک کیا گیا۔
تاہم یہ بیان دراصل اس حقیقت پر پردہ ڈالنے کی کوشش ہے، جس کےمطابق پاکستان نے شواہد کے ساتھ بتایا پاکستان میں خود کش حملوں میں افغان شہری ملوث ہیں۔
افغان وزیر دفاع نے دعویٰ کیا کہ ان کے اقتدار میں افغانستان کی سرزمین سےدوسرے ممالک میں دہشت گردی میں نوے فیصد کمی آئی۔
طلوع نیوز کے مطابق افغان وزیردفاع کا کہنا ہے امریکا یا اس کے اتحادیوں کی جانب سے چھوڑا گیا اسلحہ سمگل کرنے کے الزامات بے بنیاد ہیں جبکہ پاکستان نے شواہد کے ساتھ پاکستان میں ہونے والی دہشت گردی کے واقعات میں یہ اسلحہ بھی افغان طالبان کو دکھایا ہے۔
