طالبان کا 140 سیکیورٹی اہلکاروں کو ہلاک کرنے کا دعویٰ taliban attack ghazni
The news is by your side.

Advertisement

طالبان کا افغان شہر غزنی پر حملہ، 140 سیکیورٹی اہلکاروں کو ہلاک کرنے کا دعویٰ

کابل: طالبان نے افغان شہر غزنی پر حملہ کردیا۔ طالبان کا دعویٰ ہے کہ حملے کے نتیجے 140 سیکیورٹی اہلکار ہلاک ہوئے جبکہ متعدد مقامات پر قبضہ بھی کرلیا ہے۔

مغربی میڈیا کے مطابق طالبان نے افغان شہر غزنی پر حملہ کیا ہے جس کے نتیجے میں 140 سیکیورٹی اہلکار ہلاک ہوگئے ہیں جبکہ طالبان کی جانب سے دعویٰ کیا گیا ہے کہ پولیس ہیڈکوارٹرز، امریکی ایئربیس سمیت چیک پوسٹوں پر قبضہ کرلیا گیا ہے۔

طالبان نے افغان فضائیہ کا ہیلی کاپٹر بھی مار گرایا ہے، عینی شاہدین کے مطابق افغان طالبان غزنی کے اندر اور سیکیورٹی فورسز شہر کے باہر موجود ہیں۔

ابتدائی طور پر طالبان کی جانب سے شہر پر مکمل کنٹرول حاصل کرنے کا دعویٰ کیا گیا ہے تاہم چند گھنٹوں بعد افغان سیکیورٹی فورسز اور امریکی فوج نے جھڑؑپوں کے بعد سرکاری تنصیبات کو حملہ آوروں کے قبضے سے چھڑالیا ہے۔

غزنی سٹی اسپتال انتظامیہ کے مطابق عسکریت پسندوں سے لڑتے ہوئے 14 سیکیورٹی اہلکار ہلاک اور 20 سے زائد زخمی ہوگئے ہیں۔

دوسری جانب امریکی فوج کے ترجمان لیفٹیننٹ کرنل مارٹن نے بتایا ہے کہ افغان نیشنل ڈیفنس اور سیکیورٹی فورسز نے غزنی کی سرکاری عمارتوں کا کنٹرول سنبھال لیا اور حملہ آوروں کو پیچھے ہٹنے پر مجبور کردیا ہے۔

حالیہ کچھ عرصے میں افغانستان میں طالبان کے حملوں میں تیزی آئی ہے، افغان حکام نے تصدیق کی ہے کہ کچھ عرصے سے طالبان اپنی حکمت عملی کو تبدیل کرتے ہوئے شہری علاقوں پر قبضہ کرنے کی کوشش کررہے ہیں۔

Comments

comments

یہ بھی پڑھیں