کابل: افغانستان میں ایک بار پھر زوردار دھماکے کے نتیجے میں متعدد افراد ہلاک اور کئی زخمی ہوگئے۔
غیرملکی خبررساں ادارے کی رپورٹ کے مطابق افغان شہر ایبک میں خفیہ ایجنسی کے دفتر کے قریب زوردار دھماکا ہوا جس کے نتیجے میں درجنوں افراد کی ہلاکتوں کا خدشہ ظاہر کیا جارہا ہے۔
ابتدائی رپورٹ کے مطابق تقریباً 43 ہلاک اور زخمی افراد کو اسپتال منتقل کیا گیا ہے جن میں بچے اور عورتیں بھی شامل ہیں۔ فورسز کی بھاری نفری جائے وقوعہ پر پہنچ چکی ہے اور ریسکیو آپریشن بھی جاری ہے۔
SAMANGAN UPDATE: At least 43 people including three children and a woman were taken to the hospital after an explosion close to the NDS office in Aybak city, #Samangan. #Afghanistan
— TOLOnews (@TOLOnews) July 13, 2020
آج ہی کے دن شدت پسندوں نے افغان صوبے گھور میں سیکیورٹی چیک پوسٹ پر حملہ کیا جس کے نتیجے میں ایک فوجی اہلکار ہلاک اور پانچ زخمی ہوگئے۔ اہلکاروں نے جوابی کارروائی کرتے ہوئے دہشت گردوں کو بھاگنے پر مجبور کر دیا۔
افغانستان: شدت پسندوں نے فوجی چیک پوسٹ پر حملہ کردیا
یاد رہے کہ حالیہ دنوں افغانستان میں دہشت گردوں نے ایک بار پھر سیکیورٹی ادارے کے اہلکاروں کو نشانہ بنانے کی کوشش کی تھی، فورسز نے جوابی کارروائی کرتے ہوئے ایک شدت پسند کو ہلاک کردیا تھا۔
