افغانستان میں جرمن قونصل خانے پرخودکش حملہ،2افرادہلاک -
The news is by your side.

Advertisement

افغانستان میں جرمن قونصل خانے پرخودکش حملہ،2افرادہلاک

کابل : افغانستان کے شہر مزار شریف میں جرمنی کے قونصل خانے پر خودکش حملے میں2افراد ہلاک جبکہ متعددزخمی ہوگئے۔

تفصیلات کےمطابق افغان حکام کا کہنا ہےکہ خودکش حملہ آور نے بارود سے بھری گاڑی جرمن قونصل خانے کی دیوار سے ٹکرا دی جس سے زورداردھماکہ ہوا۔

افغان سیکورٹی حکام کا کہناہے کہ دھماکے سے قبل فائرنگ کی آوازیں سنائی دیں اور اس خودکش حملے میں متعدد افراد زخمی ہوئے ہیں۔

طالبان نے جرمنی کے قونصل خانے پر ہونے والے حملے کی ذمہ داری قبول کی ہے۔ان کا کہنا ہے کہ قونصل خانے پر حملہ قندوز میں اتحادی افواج کے فضائی حملے میں عام شہریوں کی ہلاکت کا ردعمل ہے۔

دوسری جانب نیٹو کے ترجمان کا کہنا ہے کہ اس حملے سے قونصل خانے کوبڑے پیمانے پر نقصان پہنچا ہے۔انہوں نے کہا کہ جائے وقوعہ پر نیٹو کے دستے موجود ہیں اور لوگوں کو محفوظ مقام پر منتقل کیا جا رہا ہے۔

مزید پڑھیں:افغانستان میں نیٹو کا فضائی حملہ،30افراد ہلاک

واضح رہے کہ یہ فضائی حملہ اُس وقت ہوا جب طالبان نے افغان سکیورٹی فورسزکاگھیراؤکرلیا تھا۔نیٹو کا کہنا ہے وہ اس حملے میں عام شہریوں کی ہلاکت کی تحقیقات کر رہے ہیں۔

Comments

comments

یہ بھی پڑھیں