کراچی : معروف کرکٹرز جاوید میاں داد اور شاہد آفریدی کے درمیان بیانات بیازی کی جنگ نے شدت اختیار کر لی ہے،شاہد آفریدی نے جاوید میاں داد کے خلاف قانونی چارہ جوئی کا فیصلہ کر لیا ہے۔
تفصیلات کے مطابق جارحانہ انداز سے بلے بازی کرنے والے شاہد آفریدی نے معروف بلے باز اور سابق کپتان جاوید میاں داد کی جانب سے میچ فکسنگ کا الزام لگانے کے خلاف قانونی چارہ جوئی کا فیصلہ کر لیا ہے۔
اسی سے متعلق : میاں داد کے خلاف بیان دینے پرافسوس ہے، شاہد آفریدی
میڈیا سے بات کرتے ہوئے شاہد آفریدی نے جاوید میاں داد پر زر پرست ہونے کا الزام لگاتے ہوئے کہا تھا کہ پیسہ جاوید میاں داد کے لیے ہر چیز سے زیادہ اہمیت رکھتا ہے۔
- Advertisement -
انہوں نے مزید کہا کہ جاوید میاں داد بڑے کرکٹر ہیں انہیں کوئی بھی الزام لگانے سے پہلے سوچنا چاہیے تھا،انہوں نے مجھ پر ذاتی الزام تراشی کی اس لیے میری جانب سے سخت ردعمل آیا ہے۔