مودی سرکار نے بھارت کو سیکولر ریاست ظاہر کرنے میں ناکام ہو گئی ہے اور الیکشن کے پیش نظر بھارت میں ہندو پرست متعصبانہ اقدامات جاری ہیں۔
مودی سرکار جو ہمیشہ سیکولر بھارت کا راگ الاپتی رہتی ہے حقیقت یہ ہے کہ مودی کے اقتدار میں آنے کے بعد بھارت سیکولر ریاست ہونے کا مقام کھو چکا ہے اور رواں سال انتخابات کے پیش نظر بھارت میں مودی سرکار کے ہندو پرست متعصبانہ اقدامات جاری ہیں۔
امریکی خبر رساں ادارے بلوم برگ کے مطابق مودی سرکار نے بھارت میں بڑھتی ہوئی قوم پرستی کا بھرپور فائدہ اٹھایا۔ 2024 کے انتخابات میں کامیابی حاصل کرنے کیلیے مودی حکومت کے ایجنڈے میں متنازع مندر کی تعمیر شامل ہے۔ انتخابات میں کامیابی کے بعد مودی کا ہندو توا نظام راج کرنے، متنازع مندروں کی تعمیر، مسلمانوں پر زمین تنگ کرنے کا وعدہ شامل ہے۔
رپورٹ میں کہا گیا ہے کہ 2014 کے انتخابات میں کامیابی مودی کو کشمیر کی خصوصی حیثیت ختم کرنے اور رام مندر کی تعمیر کے وعدے پر ملی۔ تب سے اب تک مودی کا اقتدار میں آنے کیلیے ہندو توا نظریہ ایک ہتھکنڈے کے طور پر استعمال ہوتا رہا اور
بلوم برگ کا کہنا ہے کہ رام مندر کی تعمیر کے وعدے پر مودی اپنی سیاست چمکاتا رہا۔ مودی بھارت میں پچھلے 10 سال سے جاری کرپشن، معاشی بحران، بے روزگاری، مہنگائی کو ختم کرنے میں ناکام رہا۔
نریندر مودی کی ہندو توا پالیسی سے خود بھارت کے عوام بھی نالاں ہیں اور ان کا کہنا ہے کہ گھمنڈ کا شکار مودی عوام کو خاطر میں نہیں لاتا اور اس کے انتہا پسند اقدامات کے سامنے ہم بے بس ہیں، حکومت کی تبدیلی انتہائی ضروری ہے۔
