ہفتہ, جون 22, 2024
اشتہار

شادی کے بعد وزن کیوں بڑھ جاتا ہے؟ وجوہات اور علاج

اشتہار

حیرت انگیز

ہمارے مشاہدے میں اکثر یہ بات سامنے آتی ہے کہ زیادہ تر لوگ چاہے وہ مرد حضرات ہوں یا خواتین ان کا شادی کے بعد جسمانی وزن بڑھنا شروع ہوجاتا ہے یا وہ موٹاپے کا شکار ہوجاتے ہیں۔

ماہرین نے اس قسم کی تبدیلیوں کی بہت سی وجوہات بیان کی ہیں، یہ تبدیلیاں جسمانی اور ذہنی دونوں ہوسکتی ہیں، جس کا ذکر مندرجہ ذیل سطور میں کیا جارہا ہے۔

یہ بات صحیح ہے کہ شادی کے بعد مرد اور خواتین دونوں کی روز مرہ کی زندگیوں میں نمایاں تبدیلیاں رونما ہوتی ہیں تاہم شادی کے بعد ہونے والی تبدیلیاں مردوں کے مقابلے خواتین کو زیادہ متاثر کرتی ہیں۔

- Advertisement -

اسی وجہ سے خواتین کا وزن بہت تیزی سے بڑھنے لگتا ہے، یہ بات حیران کن نہیں کیونکہ کامیاب شادی اور جسمانی وزن میں ممکنہ اضافے میں تعلق موجود ہے۔ لیکن کیا آپ جانتے ہیں کہ ایسا کیوں ہوتا ہے؟ اور اس پر کیسے قابو پایا جاسکتا ہے؟

 

وزن بڑھنے کی اہم وجوہات

شادی کے بعد شب و روز کی مصروفیات اچانک بڑھ جاتی ہیں سونے اور اٹھنے کا وقت بھی کم یا زیادہ ہوجاتا ہے، کھانے کی عادات بدل جاتی ہیں، جسمانی ورزش کم ہوجاتی ہے اور بعض اوقات تناؤ جیسی کیفیت بھی ہوجاتی ہے، اس کے ساتھ ہی جسم میں ہارمونل تبدیلیاں بھی رونما ہوتی ہیں۔

اس کے علاوہ جنسی طور پر فعال رہنے سے جسم پر بہت سے اثرات مرتب ہوسکتے ہیں،
ماہرین صحت کے مطابق جنسی طور پر متحرک رہنا صحت مند طرز زندگی کو بھی فروغ دیتا ہے۔

دوسری جانب مارین صحت کا یہ بھی ماننا ہے کہ میاں بیوی کا تعلق جسمانی طور پر انہیں موٹا بھی بنا سکتا ہے، جس کی وجہ اطمینان، خوشحالی اور بے فکری کا احساس ہے۔

شادی کے بعد موٹاپا دراصل کسی ایک وجہ سے نہیں ہوتا بلکہ یہ بہت سے عوامل پر منحصر ہے، جس میں کھانے پینے میں احتیاط اور ورزش نہ کرنا وغیرہ شامل ہیں۔

یہ ڈی ایچ ای اے، ایسٹروجن اور پروجیسٹرون جیسے جنسی ہارمونز میں اتار چڑھاؤ ہے جو وزن میں اضافے کا باعث بنتے ہیں۔ اگر آپ میں ڈی ایچ ای اے ہارمون کی کمی ہے (جو مردوں اور عورتوں دونوں میں جنسی ہارمون کا ذریعہ ہے) تو آپ کا وزن بڑھ سکتا ہے۔

ایسٹروجن اور پروجیسٹرون ہارمونز میں عدم استحکام کی وجہ سے بھی آپ کا وزن بھی بڑھ سکتا ہے۔ اپنے ہارمونز کی باقاعدگی سے جانچ پڑتال کروائیں کیونکہ اس سے آپ کو غیر متوقع وزن میں اضافے کو روکنے میں مدد مل سکتی ہے۔

نامناسب خوراک

بہت سے لوگ شادی کے بعد اپنی کھانے کی عادات میں تبدیلی محسوس کرتے ہیں، خصوصاً خواتین جب اپنے میکے سسرال یا دیگر مقامات پر جاتی ہیں تو اپنے روزمرہ کے کھانے سے زیادہ مرغن غذائیں کھانے لگتی ہیں۔ آئے دن شادی بیاہ، عقیقہ کی تقریبات، رشتہ داروں کے یہاں دعوتیں اور ڈنر پارٹیوں کے کھانوں میں موجود اضافی کیلوریز جسم میں چربی کو بڑھاتی ہیں۔

روزمرہ کے معمولات میں تبدیلی

کچھ معاملات میں شادی کے بعد خواتین کی ترجیحات بدل جاتی ہیں کیونکہ انہیں سسرال والوں کے مطابق کام کرنا ہوتا ہے، اس کے علاوہ گھر کے کاموں اور دفتری کاموں کی وجہ سے کئی بار صحیح وقت پر کھانا نہیں کھا پاتے، یہ بھی موٹاپے کی ایک بنیادی وجہ ہے۔

وزن کو بڑھنے سے کیسے روکا جائے؟

کیا آپ شادی کے بعد پیٹ کی چربی کم کرنے کا سوچ رہے ہیں؟ اس کے لیے آپ ورزش کرنے کے ساتھ ساتھ ان تجاویز پر عمل کریں تو آپ آسانی سے وزن کم کر سکتے ہیں۔

سب سے پہلے تو ورزش پابندی سے کریں، گرین ٹی پیئں کیونکہ گرین ٹی میٹابولزم کو بڑھاتی ہے، یہ جسم میں چربی کو جمع ہونے سے بھی روکنے کے ساتھ یہ جسم میں ہائی کولیسٹرول کی سطح کو کم کرنے میں بھی مدد کرتی ہے۔

اس کے علاوہ کھانا آہستہ آہستہ اور چبا کر کھائیں ایسا کرنے سے آپ کا وزن نہیں بڑھے گا۔ ناشتہ اچھا کریں اور ڈنر میں بھوک سے کم کھائیں، یہ کارگر طریقہ آپ کا وزن کم کرنے میں کافی مددگار ثابت ہوگا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں