The news is by your side.

عزیر بلوچ اور دیگر ساتھیوں کے ایک سے زائد شناختی کارڈ بنائے جانے کی تحقیقات جاری

کراچی: عزیر بلوچ اور دیگر گینگ وار کمانڈروں کے ایک سے زائد شناختی کارڈ بنائے جانے کے حوالے سے تحقیقات جاری ہے۔

ذرائع کے مطابق عزیر بلوچ نے دوران حراست انکشاف کیا ہے کہ نا صرف اس نے بلکہ گینگ وار کے متعدد کارندوں نے ایک سے زائد شناختی کارڈ بنوا رکھے ہیں جس کے بعد تحقیقاتی اداروں نے اس حوالے سے تحقیقات شروع کردی ہے۔

حکام کے مطابق آئندہ چند روز میں عزیر بلوچ کے شناختی کارڈ کیلئے دستاویزات کی تصدیق کرنے والے افراد سے تفتیش بھی کی جائے گی۔

تفتیشی حکام کے مطابق عزیر بلوچ اور دیگر گینگ وار کمانڈروں نے لیاری میں واقع نادرا دفتر سے ایک سے زائد شناختی کارڈ بنوائے،جعلی شناختی کارڈ پر گینگ وار کمانڈروں نے پاسپورٹ بھی حاصل کر رکھے ہیں۔

عزیر بلوچ کے پہلے شناختی کارڈ میں تاریخ پیدائش 10اکتوبر1973ہے ،عزیر بلوچ کے دوسرے شناختی کارڈ میں تاریخ پیدائش 10اکتوبر1977ہے۔

Print Friendly, PDF & Email

Comments

comments

یہ بھی پڑھیں