The news is by your side.

لندن میں شہباز اور نواز شریف کی ملاقات کا ایجنڈا سامنے آگیا

لندن میں وزیر اعظم شہباز شریف اور مسلم لیگ (ن) کے قائد نواز شریف کے مابین ہونے والی اہم ملاقات سے قبل میٹنگ کا ایجنڈا سامنے آگیا۔

ذرائع کے مطابق ملاقات ایجنڈے میں عمران خان کے لانگ مارچ سے نمٹنے پر گفتگو سرفہرست ہے جبکہ ملکی صورتِ حال سے متعلق مسلم لیگ (ن) اور پی ڈی ایم کی مجوزہ حکمت عملی پر غور ہوگا۔

ملاقات میں پنجاب حکومت کے خاتمے کے لیے اقدامات سے متعلق بھی فیصلے ہوں گے اور آئندہ عام انتخابات کرانے سے متعلق بھی فیصلہ کیا جائے گا۔

ذرائع کا کہنا ہے کہ عمران خان مقدمات پر جلد فیصلے کرانے کے لیے عدلیہ پر دباؤ کی حکمت عملی پر بھی غور ہوگا۔

مزید پڑھیں: نواز اور شہباز شریف کی ملاقات خفیہ رکھنے کی وجہ سامنے آگئی

دوسری جانب وزیراعظم اور نواز شریف کے درمیان ملاقات کو خفیہ رکھنے کی وجہ بھی سامنے آگئی ہے۔ ذرائع کا کہنا ہے کہ نواز شریف ایون فیلڈ اپارٹمنٹس سے روانہ ہوگئے، ان کی شہباز شریف سے ملاقات کو ابھی تک خفیہ رکھا جا رہا ہے۔

شہباز شریف کے دورے کو بھی ابھی تک خفیہ رکھا گیا ہے۔ لندن ہائی کمیشن یا پارٹی نے شہباز شریف کی آمد کی کوئی اطلاع یا پریس ریلیز جاری نہیں کی۔

ذرائع کا کہنا ہے کہ شہباز شریف کی آمد اور سرگرمیوں کو خفیہ رکھنے کا مقصد مظاہروں سے بچنا ہے۔

Comments

یہ بھی پڑھیں