The news is by your side.

نواز اور شہباز شریف کی ملاقات خفیہ رکھنے کی وجہ سامنے آگئی

لندن میں مسلم لیگ ن کے قائد نواز شریف اور وزیراعظم شہباز شریف کی ملاقات کو خفیہ رکھنے کی وجہ سامنے آگئی ہے۔

اے آر وائی نیوز کے مطابق نواز شریف سے شہباز شریف سے ملاقات کے لیے ایون فیلڈ اپارٹمنٹس سے روانہ ہوگئے ہیں دونوں کی ملاقات کو ابھی تک خفیہ رکھا جارہا ہے۔

ذرائع کے مطابق وزیراعظم کے دورہ لندن کو بھی ابھی تک خفیہ رکھا گیا ہے ہائی کمیشن یا پارٹی نے شہباز شریف کی آمد کی کوئی اطلاع نہیں دی اور نہ ہی پریس ریلیز جاری کی گئی ہے۔

ذرائع کا بتانا ہے کہ شہباز شریف کی آمد اور سرگرمیوں کو خفیہ رکھنے کا مقصد ممکنہ طور پر مظاہروں سے بچنا ہے۔

دوسری جانب شہباز شریف اور مسلم لیگ (ن) کے قائد نواز شریف کے مابین ہونے والی اہم ملاقات سے قبل میٹنگ کا ایجنڈا سامنے آگیا۔

لندن میں شہباز اور نواز شریف کی ملاقات کا ایجنڈا سامنے آگیا

ملاقات ایجنڈے میں عمران خان کے لانگ مارچ سے نمٹنے پر گفتگو سرفہرست ہے جبکہ ملکی صورتِ حال سے متعلق مسلم لیگ (ن) اور پی ڈی ایم کی مجوزہ حکمت عملی پر غور ہوگا۔

پنجاب حکومت کے خاتمے کے لیے اقدامات سے متعلق بھی فیصلے ہوں گے اور آئندہ عام انتخابات کرانے سے متعلق بھی فیصلہ کیا جائے گا۔

ذرائع کا بتانا ہے کہ عمران خان مقدمات پر جلد فیصلے کرانے کے لیے عدلیہ پر دباؤ کی حکمت عملی پر بھی غور ہوگا۔

Comments

یہ بھی پڑھیں