اسلام آباد : وزیر داخلہ رانا ثنااللہ اور سعودی سفیر نے روڈ ٹو مکہ پروجیکٹ کے معاہدے کو حتمی شکل دینے پر اتفاق کرلیا۔
تفصیلات کے مطابق وزیرداخلہ راناثنا اللہ سعودی عرب کے سفارتخانے پہنچے تو سعودی سفیرنواف بن سعیدالمالکی نے ان کا استقبال کیا۔
ملاقات میں پاک سعودیہ دو طرفہ تعلقات سمیت باہمی دلچسپی کےامورپربات چیت ہوئی اور روڈ ٹو مکہ پروجیکٹ کے معاہدے سے متعلق پیشرفت کا جائزہ لیا۔
- Advertisement -
وزیرداخلہ اور سعودی سفیر نے معاہدے کو حتمی شکل دے کر اسے مکمل طور پر فعال کرنے پر اتفاق کیا۔
سعودی نائب وزیرداخلہ معاہدے پر دستخط کیلئے جلد پاکستان کادورہ کریں گے ، پروجیکٹ کےتحت حجاج کوآسان اوربلا رکاوٹ امیگریشن سہولت ملے گی۔
وزیرداخلہ کا کہنا تھا کہ پاکستان اورسعودی عرب میں تاریخی اوربرادرانہ تعلقات ہیں۔
