شوبز انڈسٹری کے معروف اداکار احد رضا میر نے والدہ ثمرہ آصف کو دلچسپ انداز میں سالگرہ کی مبارک باد پیش کردی۔
معروف اداکار احد رضا میر نے فوٹو اور ویڈیو شیئرنگ ایپ انسٹاگرام پر والدہ ثمرہ آصف کے ساتھ تصویر شیئر کی جس میں انہوں نے والدہ کو گلے سے لگایا ہوا ہے۔
احد رضا نے اپنی پوسٹ کے کیپشن میں لکھا کہ ’میں اپنی والدہ کو ان کی سالگرہ کے موقع پر فادرز ڈے کی بہت بہت مبارک باد دینا چاہتا ہوں۔‘
View this post on Instagram
اداکار کے اس دلچسپ کیپشن پر ان کے مداح بھی بے ساختہ قہقہے لگانے پر مجبور ہوگئے اور مداحوں کی جانب سے بھی احد رضا میر کی والدہ کو سالگرہ کی مبارک باد دی جارہی ہے۔
واضح رہے کہ اس سے قبل احد رضا میر کی طلاق کی افواہوں کے بعد ان کی ایک ویڈیو سوشل میڈیا پر وائرل ہوئی تھی جس میں انہوں نے دبئی ایکسپو میں شرکت کی تھی۔
احد رضا اسٹیج پر مداحوں سے خطاب کے لیے جیسے ہی آئے اور کچھ کہنے کے لیے مائیک اٹھایا تو مداحوں نے ’سجل سجل‘ کے نعرے لگانا شروع کردیے تھے۔
View this post on Instagram
مداحوں کے پرجوش ہونے پر احد رضا میر ہنستے ہوئے خاموش ہوگئے اور مداحوں کا شکریہ ادا کیا تھا۔
