شوبز انڈسٹری کے معروف اداکار احد رضا میر نے ننھے مہمان کی آمد سے متعلق خبروں پر خاموشی توڑ دی۔
شوبز انڈسٹری کے معروف اداکار احد رضا میر نے لندن میں اے آر وائی نیوز سے گفتگو کرتے ہوئے کہا کہ سجل علی کے حوالے سے سوشل میڈیا پر زیر گردش خبروں میں کوئی صداقت نہیں ہے۔
واضح رہے کہ گزشتہ دنوں سوشل میڈیا پر احد رضا میر اور سجل علی کے ہاں ننھے مہمان کی آمد سے متعلق خبریں گردش کررہی تھیں۔
علاوہ ازیں احد رضا میر نے کہا کہ مداحوں سے بہت پیار کرتا ہوں، مداح بہت سپورٹ کرتے ہیں ان کے بغیر میں کچھ بھی نہیں ہوں۔
اداکار نے کہا کہ لندن میں کسی پراجیکٹ کی شوٹنگ کے لیے موجود ہوں لیکن اس کے بارے میں فی الحال کچھ نہیں بتاسکتا۔
احد رضا میر نے کہا کہ میں اپنے آپ سے بہت کچھ سیکھ رہا ہوں، کچھ پراجیکٹ کامیاب ہوتے ہیں کچھ ناکام بھی ہوتے ہیں، میں اپنی ناکامی سے بہت کچھ سیکھتا ہوں۔
واضح رہے کہ ٹی وی اسکرین پر مقبول رومانوی جوڑی کی حیثیت رکھنے والے اداکار احد رضا میر و اداکارہ سجل علی گزشتہ برس مارچ میں رشتہ ازدواج میں منسلک ہوئے تھے۔
