لاہور: پاکستانی شوبز انڈسٹری کے مزاحیہ اداکار احمد علی بٹ نے اپنی والدہ ظلِ ہما کی برسی کے موقع پر جذباتی پیغام شیئر کردیا۔
پاکستان کی لیجنڈری گلوکار میڈم نور جہاں کے نواسے احمد علی بٹ نے سماجی رابطے اور فوٹو ویڈیو شیئرنگ پلیٹ فارم انسٹاگرام پر اپنی اور والدہ کی یادگار تصویر ایک روز قبل شیئر کی اور برسی کے حوالے سے آگاہ کیا۔
انہوں نے اپنی والدہ کو مخاطب کرتے ہوئے لکھا کہ ’آج کے دن آپ ہمیں چھوڑ گئیں تھیں اور پھر اُس دن کے بعد سے کچھ بھی پہلے جیسا نہیں رہا‘۔
انہوں نے لکھا کہ ’ماں جان، میں آپ سے بہت محبت کرتا ہوں اور ہر روز آپ کی کمی شدت سے محسوس کرتا ہوں‘۔
View this post on Instagram
احمد علی بٹ نے اپنے مداحوں، ساتھیوں اور تمام لوگوں سے والدہ کو دعاؤں میں یاد رکھنے کی اپیل بھی کی۔
واضح رہے کہ ملکہ ترنم نورجہاں کی بیٹی ظلِ ہما یعنی احمد علی بٹ کی والدہ کا انتقال 2014 میں ہوا۔
