کراچی: نیشنل ٹی ٹوئنٹی ٹورنامنٹ میں لاہور بلوز اور پشاور کی ٹیموں کے مابین کھیلے جانے والے میچ میں پاکستانی بلے باز احمد شہزاد کی عمدہ بیٹنگ اور فیلڈنگ نے اپنی ٹیم کو فتح سے ہم کنار کروایا۔

پاکستانی بلے باز گزشتہ کئی انٹرنیشنل میچز میں آؤٹ آف فارم نظر آئے جس کی وجہ سے انہیں حالیہ سری لنکا کے خلاف کھیلی جانے والی سریز میں بھی منتخب نہیں کیا گیا تھا تاہم احمد شہزاد نے ایک روز قبل کھیلے جانے والے میچ میں ایک بار پھر شاندار کھیل کا مظاہرہ کر کے سب کو حیران کردیا۔

احمد شہزاد لاہور بلوز کی ٹیم کا حصہ ہیں انہوں نے 22 گیندوں کا سامنا کرتے ہوئے 50 رنز اسکور کر کے نمایاں بلے باز جبکہ علی شفیق نے 3 وکٹیں لے کر نمایاں باؤلر رہے۔

پڑھیں: تھیلیسمیا کے مریضوں کو خون دینے کے لیے نوجوان آگے بڑھیں،کرکٹر احمد شہزاد

پاکستانی بلے باز نے 9 چوکوں اور 1 چھکے کی مدد سے محض 22 گیندوں پر تیز ترین نصف سنچری اسکور کی علاوہ ازیں انہوں نے باؤنڈری پر شاندار کیچ پکڑ کر سب کو حیران کردیا۔

علاوہ ازیں محمد حفیظ نے 30 گیندوں پر 30 رنز جبکہ حسین طلال نے 28 گیندوں پر 37 رنز بنائے، لاہور بلوز کی ٹیم نے آخری اوورز میں پشاور کی ٹیم کی جانب سے دیا جانے والا ہدف حاصل کرکے فتح اپنے نام کی۔

ویڈیو دیکھیں

Catch of the tournament @iamAhmadshahzad#NationalT20Cup #LHRBvPSH pic.twitter.com/9TrAQ8T5ZV

— و ق ا ص (@AhmadsJabraFan) November 18, 2017

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔