لاہور: وفاقی وزیرداخلہ احسن اقبال پر حملے کی ابتدائی تحقیقاتی رپورٹ چیف سیکریٹری پنجاب کو ارسال کردی گئی جس میں بتایا گیا ہے کہ حملہ آور نے احسن اقبال کے ارد گرد رش کا فائدہ اٹھا کر گولی چلائی۔
تفصیلات وزیرداخلہ احسن اقبال پر گزشتہ روز ہونے والے حملے کی ابتدائی تحقیقاتی رپورٹ میں بتایا گیا ہے کہ احسن اقبال کی کنجروڑمیں کارنرمیٹنگ کا اختتام 6 بجے ہوا۔
رپورٹ کے مطابق حملہ آورنے وزیرداخلہ کے اردگردرش کا فائدہ اٹھا کر30 بور کے پستول سے گولی چلائی جو وفاقی وزیرداخلہ کے سیدھے بازوسے ہوتے ہوئے پیٹ میں لگی۔
ابتدائی تحقیقاتی رپورٹ میں بتایا گیا ہے کہ موقع پرموجودایلیٹ فورس نے فوری کارروائی کی، بروقت کارروائی کرکے حملہ آورکومزید گولیاں چلانے سے روکا گیا۔
رپورٹ میں کہا گیا ہے کہ حملہ آورکواسلحے سمیت گرفتارکرکے اس کی موٹرسائیکل کو بھی پولیس نے تحویل میں لیا۔ حملہ آورنے اپنی شناخت عابد ولد محمدحسین کے نام سے کرائی اوراپنی وابستگی تحریک لبیک سے ظاہرکی۔
وزیرداخلہ احسن اقبال کو طبی امداد کے لیے فوری ڈی ایچ کیواسپتال منتقل کیا گیا، بعدازاں احسن اقبال کوہیلی کاپٹر کے ذریعے لاہورمنتقل کیا گیا۔
وزیر داخلہ احسن اقبال قاتلانہ حملے میں زخمی
یاد رہے کہ گزشتہ روز وفاقی وزیرداخلہ احسن اقبال پر نارروال میں کانرمیٹنگ کے بعد فائرنگ کی گئی تھی جس کے نتیجے میں وہ زخمی ہوگئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔
