اسلام آباد : سپریم کورٹ کے ترجمان نے وفاقی وزیر احسن اقبال کے ٹوئٹر پر جاری پیغام کے جواب میں وضاحتی بیان جاری کیا ہے جس میں انہوں نے واقعے کی حقیقت بتادی۔
ترجمان سپریم کورٹ کا کہنا ہے کہ پی ٹی آئی کے چیئرمین عمران خان کو عدالت لانے کیلئے سپریم کورٹ نے کوئی گاڑی فراہم نہیں کی تھی۔
انہوں نے بتایا کہ سپریم کورٹ نے11مئی کو عمران خان کو ساڑھے3بجے پیش کرنے کا حکم دیا تھا، پولیس کے مطابق عمران خان کو بحفاظت پہنچانے کے انتظامات کرنے میں تاخیر ہوئی۔
ترجمان سپریم کورٹ نے اپنے وضاحتی بیان میں مزید کہا کہ عمران خان کو مذکورہ گاڑی اسلام آباد پولیس کی جانب سے فراہم کی گئی تھی۔
چیف جسٹس بندیال صاحب کیا پوچھنے کی جسارت کر سکتا ہوں ہمیں عدالت میں پیش ہونے کے لئے مرسڈیز کیوں نہیں بھیجی تھی؟ pic.twitter.com/e7TQnkbTmm
— Ahsan Iqbal (@betterpakistan) May 20, 2023
واضح رہے کہ وفاقی وزیر احسن اقبال نے سماجی رابطے کی ویب سائٹ ٹوئٹر پر گزشتہ روز ایک ٹوئٹر پیغام لکھا کہ ’’چیف جسٹس بندیال صاحب کیا پوچھنے کی جسارت کر سکتا ہوں ہمیں عدالت میں پیش ہونے کے لئے مرسڈیز کیوں نہیں بھیجی تھی؟