شکرگڑھ : وفاقی وزیر احسن اقبال نے کہا ہے کہ کچھ لوگ ٹیکنو کریٹس حکومت کا شوشہ چھوڑ رہے ہیں جو کبھی کامیاب نہیں ہوسکتی۔
یہ بات انہوں نے شکرگڑھ کے علاقے نورکوٹ میں میڈیا سے گفتگو کرتے ہوئے کہی، انہوں نے کہا کہ ٹیکنو کریٹ حکومت کامیاب نہیں ہوسکتی۔
انہوں نے کہا کہ پرویز مشرف نے بھی 9سال تک ٹیکنو کریٹس کے سہارے حکومت کی تھی، یہ لوگ حکومت کے معاونین تو ہوسکتے ہیں،کچھ لوگ بلاوجہ ٹیکنوکریٹس حکومت کاشوشہ چھوڑ رہے ہیں۔
احسن اقبال کا کہنا تھا کہ کچھ ٹیکنو کریٹس ہردور حکومت میں وزیر مشیر بننے کے لئے تیار رہتے ہیں لیکن معاشی اصلاحات کے لئے سیاسی حکومت کی سپورٹ ضروری ہوتی ہے۔
وفاقی وزیر نے کہا کہ معاشی بحران سے نکلنے کے لیے جامع اصلاحات کرنا ہوں گی، معیشت بچانے کے لیے عمران خان دور کے مالیاتی معاہدوں پر عمل درآمد کرنا مجبوری ہے۔
ملکی معیشت کی بحالی کے لیے برآمدات میں اضافے کی ضرورت ہے، دوست ممالک بھی ہماری معیشت کے استحکام میں مدد کر رہے ہیں۔
