مسلم لیگ ن کے مرکزی رہنما اور وفاقی وزیر احسن اقبال نے کہا ہے کہ عمران ںیازی گرفتار نہیں ہوتا ہے تو قانون ہار جائے گا۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان کی گرفتاری کے لیے گزشتہ روز سے زمان پارک میں جاری آپریشن پر مسلم لیگ ن کے مرکزی رہنما اور وفاقی وزیر منصوبہ بندی احسن اقبال نے بھی اظہار خیال کیا ہے۔
احسن اقبال نے سماجی رابطوں کی ویب سائٹ ٹویٹر پر اپنے ٹویٹ میں سوالیہ انداز اختیار کرتے ہوئے لکھا ہے کہ کہ کیا آئین وقانون صرف کمزور کے لیے ہے اور جس کے پاس جتھے ہوں گے کیا وہ ان سے بالاتر ہے؟
احسن اقبال نے آگے لکھا ہے کہ پاکستان میں فیصلہ کن مرحلہ آگیا ہے۔ عمران نیازی گرفتار نہیں ہوتا تو قانون ہار جائے گا۔
مسلم لیگ ن کے مرکزی رہنما اور وفاقی وزیر احسن اقبال نے کہا ہے کہ عمران ںیازی گرفتار نہیں ہوتا ہے تو قانون ہار جائے گا۔
پاکستان میں فیصلہ کن مرحلہ آ گیا ہے۔کیا آئین، قانون اور عدالت صرف کمزور کے لئے ہونگی اور جس کے پاس جتھے ہونگے وہ ان سے بالاتر ہوگا؟
عمران نیازی گرفتار نہیں ہوتا تو قانون ہار جائیگا اور فاشزم جیت جائے گا۔
پاکستان ایک نئے ہٹلر کا متحمل نہیں ہو سکتا۔— Ahsan Iqbal (@betterpakistan) March 15, 2023
وفاقی وزیر نے ایک اور ٹویٹ میں کہا کہ عمران نیازی اور کچے کے ڈاکوؤں میں کوئی فرق نہیں بچا۔ دونوں ہی قانون کا مذاق اڑاتے ہیں اور سمجھتے ہیں کہ ان کی لاقانونیت اور طاقت قانون و انصاف سے بڑی ہے۔
عمران نیازی اور کچے کے ڈاکوؤں میں کوئی فرق نہیں بچا۔ دونوں قانون کا مذاق اڑاتے ہیں اور سمجھتے ہیں کہ ان کی لاقانونیت اور طاقت قانون اور انصاف سے بڑی ہیں۔
— Ahsan Iqbal (@betterpakistan) March 14, 2023