مصنوعی ذہانت نے دنیا بھر کے ہر شعبے میں انقلاب برپا کردیا ہے، مصنوعی ذہانت کے ذریعے اب مستقبل کی تصویر پیش کرنا بھی آسان ہوگیا ہے۔
کچھ عرصے قبل مصنوعی ذہانت کے ذریعے تاریخی ادوار کی تصاویر پیش کی جارہیں تھی کہ پرانی تہذیبوں کے لوگ کیسے دکھائی دیتے ہوں گے، اب ایسی ہی ایک کوشش میں مستقبل کی تصویر پیش کی گئی ہے۔
ایک آرٹسٹ نے معروف بالی ووڈ فنکاروں کے بڑھاپے کی تصاویر مصنوعی ذہانت کے ذریعے تخلیق کی ہیں۔
انسٹاگرام پر پوسٹ کی گئی ان تصاویر میں شاہ رخ خان، سلمان خان، عامر خان پربھاس اور دیگر کئی بالی ووڈ اداکاروں کا تصوراتی بڑھاپا پیش کیا گیا ہے۔
تصاویر میں تمام اداکار سفید داڑھی اور جھریوں بھرے چہروں کے ساتھ دکھائی دے رہے ہیں۔
ان تصاویر پر سوشل میڈیا صارفین نے مختلف تبصروں کا اظہار کیا جبکہ اب تک ان تصاویر کو 46 ہزار سے زائد لائیکس مل چکے ہیں۔
Comments
- Advertisement -
