چنیوٹ میں 2 ماہ کے دوران ایڈز کے 40 کیسز سامنے آگئے

لاہور: صوبہ پنجاب کے شہر چنیوٹ میں 2 ماہ کے دوران ایڈز کے 40 کیسز سامنے آگئے، 62 افراد کی اسکریننگ کی گئی جس میں 22 کا ایڈز پازیٹو آیا۔

تفصیلات کے مطابق صوبہ پنجاب کے شہر چنیوٹ میں 2 ماہ کے دوران ایڈز کے 40 نئے کیسز سامنے آگئے۔

کوآرڈینیٹر ایڈز کنٹرول پروگرام اظہر عباس کا کہنا ہے کہ 3 سال کے دوران ایڈز کے 715 کیسز رپورٹ ہوئے ہیں۔

اظہر عباس کے مطابق 62 افراد کی اسکریننگ میں 22 کا ایڈز پازیٹو آیا۔

انہوں نے کہا کہ غیر محفوظ انتقال خون، جنسی عمل اور اتائیت ایڈز پھیلنے کی وجہ بن رہے ہیں، مسلسل بخار، وزن کم ہونا، پیٹ خراب رہنا ایڈز کی علامات ہیں۔

Comments