کراچی : ایڈیشنل آئی جی امیر شیخ کا کہنا ہے سابق ایڈمنسٹریٹر کراچی فہیم زمان کو ضرور گرفتار کیا جائے گا ان کی گرفتاری کیلئے چھاپے مارے جا رہے ہیں ، کوئی قانون سے بالاتر نہیں ہے۔
تفصیلات کے مطابق ایڈیشنل آئی جی کراچی امیر شیخ نے اپنے بیان میں کہا سابق ایڈمنسٹریٹر کراچی فہیم الزمان کی گرفتاری کیلئے چھاپے مارے جارہے ہیں، انہیں ضرور گرفتار کیا جائےگا، کوئی قانون سے بالاتر نہیں ہے، وردی کی عزت کرنی ہوگی۔
امیر شیخ نے صورتحال ضبط کرنے پر پولیس اہلکاروں کیلئے5 ،5 ہزارانعام کا اعلان کرتے ہوئے کہا اگر پولیس اہلکار کوئی چیزطلب کررہاہے تودینی چاہیے، اگرمطلوبہ دستاویزنہیں ہےتو شائستہ اندازسےبتایاجاسکتاہے۔
ایڈشنل آئی جی کا کہنا تھا اگرہم بیرون ملک میں ہوتےہیں توہمارارویہ ایسانہیں ہوتا، اگرپولیس والاغلط ہوتو میں خوداس کےخلاف ایکشن لیتاہوں، ہمارامقصدشہریوں کوتنگ کرنانہیں ہے، حفاظت ہیں۔
مزید پڑھیں : سابق ایڈمنسٹریٹر کراچی کی اہلکاروں کو دھمکیاں، مقدمہ درج، گرفتاری متوقع
گذشتہ روز سابق ایڈمنسٹریٹر کراچی فہیم الزماں نے پی آئی ڈی سی کے قریب اسنیپ چیکنگ کے دوران شناختی کارڈ دکھانے کا کہنے پر پولیس اہلکاروں سے بدتمیزی کی اور دھمکیاں دی تھیں، جس کا ڈی آئی جی ساؤتھ نے نوٹس لیتے ہوئے مقدمہ درج کرنے کا حکم دیتے ہوئے گرفتار کرنے کا فیصلہ کیا۔
پولیس حکام کا کہنا تھا پولیس اہلکاروں سے بدتمیزی کسی صورت بھی برداشت نہیں کی جائے گی، پولیس اہلکاروں نے فہیم الزماں سے بدکلامی نہیں کی۔
بعد ازاں سابق ایڈمنسٹریٹر کراچی فہیم زمان کے خلاف تھانہ سول لائن میں مقدمہ درج کرلیا گیا تھا، مقدمہ اہلکار عدنان کی مدعیت میں درج کیا گیا، پولیس کے مطابق مقدمے میں 4 دفعات لگائی گئی ، کارسرکار میں مداخلت، دھمکی، گالم گلوچ، ٹریفک میں خلل کی دفعات شامل ہیں۔
