اے آر وائی ڈیجیٹل کے ڈرامہ سیریل ’ایک ستم اور‘ میں صدف نے اشنا کو شہروز سے الگ کرنے کی دھمکی دے دی۔
اے آر وائی ڈیجیٹل کے ڈرامہ سیریل ’ایک ستم اور‘ میں انمول بلوچ، اسامہ خان، ساجد حسن، صرحا اصغر، سلمان سعید، روبینہ اشرف، ماریہ واسطی ودیگر مرکزی کردار نبھا رہے ہیں۔
گزشتہ قسط کے سین میں صرحا اصغر(صدف) اشنا کو فون کرکے کھری کھری سنارہی ہوتی ہیں جواب میں اشنا بھی انہیں کرارا جواب دیتی ہیں۔
صدف اشنا کو فون کرکے کہتی ہیں کہ ’کیا ہوا لگتا ہے کہ نکاح کی خوشی میں سب کچھ بھول چکی ہوں، تم نے میرے بھائی کو الو بنا کر اس کی زندگی برباد کردی ہے تمہاری وجہ سے ہم سب پریشان ہیں، نہ تمہارا سایہ میرے بھائی پر پڑتا اور نہ وہ دربدر بھاگتا۔‘
وہ مزید کہتی ہیں کہ ’اچھا ہی ہوا وہ ملک چھوڑ نہیں گیا ورنہ تمہیں تو چین کی نیند آجاتی لیکن اب ایسا نہیں ہوگا، جتنا الو تم نے میرے بھائی کو بنایا ہے اس کا حساب دینا پڑے گا وہ تمہیں چھوڑے گا نہیں۔‘
View this post on Instagram
اشنا انہیں کہتی ہیں کہ ’تم جیسے آستین کے سانپ سے اور امید بھی کیا کی جاسکتی ہے، رہی بات تمہارے بھائی کی محبت تو کبھی مجھے اس سے تھی ہی نہیں دل میں جو ہمدردی تھی یہ سب کرکے اس نے وہ بھی ختم کردی۔‘
انہوں نے کہا کہ میں اس کے بارے جو کچھ سوچتی تھی سب اس نے غلط ثابت کردیا۔‘
صدف کہتی ہیں کہ ’انجوائے کرلو میں دیکھتی ہوں کہ یہ خوش قسمتی تمہارا کتنا ساتھ دیتی ہے، تمہیں کیا لگتا ہے کہ ماں بیٹیوں کی چالاکیوں سے شہروز تمہارا ہوجائے گا۔‘
اشنا کہتی ہیں کہ ’نکاح تو ہو ہی گیا ہے کہو تم نکاح کے چھوارے اور رخصتی کے لدو بھی بھجوا دو گی پھر تمہیں یقین آجائے گا۔‘
View this post on Instagram
وہ مزید کہتی ہیں کہ لگتا ہے کہ شہروز کے گھاس نہ ڈالنے پر نجومی بن گئی ہو لیکن ایک بات کہوں مجھے ان نجومیوں پر کوئی یقین نہیں ہے۔
صرحا کہتی ہیں کہ تمہارا گھمنڈ میں توڑ کر رہوں گی اور تم میری بات یاد رکھنا تمہیں میں شہروز سے الگ کرکے رہوں گی۔
